طوابير - فى كل شارع طابور ،، وناس وقتها بيضيع ،، وتعب وقلق ووجع قلب مالوش نهاية
طوابير على المخابز -- طوابير على شبابيك السفارات - طوابير على تصاريح العمل فى الخارج --
طوابير على الفول والطعمية - واخيرا طوابير على استخراج شهادات الميلاد علشان بطاقة التموين
والله اعلم بعد كل العذاب ده -- هتفيدنا بايه بطاقة التموين -- وكيلو الفول وصل خمسة جنيه
ونص - وهو الغذاء الرئيسى ل 90 % من الشعب المصرى - حتى الطعمية " غليت علينا " والزيت
وصل سعره لرقم قياسى " بيقولوا زاد 200 % -- فينك ياحكومة ؟؟؟
زمان قالوا " لمارى انطوانيت لما الناس تعبت : " الشعب موش لاقى العيش ياكله !
قالت : مفيش مشكلة ياكلو "جاتوه " !!!!
والمشكلة انهم بتجمعوا من الساعة 6 فجرا - علشان ياخدوا دورهم فى الطوابير ، وبيعملوا قلق
لسكان المساكن اللى موجود فيها مكتب السجل المدنى فى ارض المولد بالمنيا
هو ده منطق حكومتنا - واترككم مع الصور فى انتظار تعليقاتكم
مئات رجال ونساء - على منفذ توزيع استمارات شهادات الميلاد وسط مساكن ارض المولد بالمنيا
وسط المجارى والوحل يقف الغلابة فى انتظار الفرج
